عناصر تونسيّة لصورة صينيّة

لعبة ازواو اخترعها والدّوعاجي ورّطني فيها، تصويرتي الصينيّة بالعناصر التّونسيّة أهيّا:

كان جيت شجرة نكون شجرة توت ثمّا توتة معيّنة .
كان جيت أكلة نكون بريكة بالعضمة والتّن والكبّار و المعدنوس والبصل والملح والفلفل أكحل وبجنبها بارشا هريسة.
كان جيت زهرة نكون زهرة الرمّان (گلنار) .
كان جيت قرية أو دشرة أو حارة راني شننّي.
كان جيت قصيدة راني الأبيات متاع الشّابي اللِّي يقولوا :

سر مع الدّهر لا تصُدّنّك الأهوال أو تُفزعنّك الأحداث
سرمع الدهر كيفما شاءت الدّنيا و لا يخدعنّك النّفّاث
فالذي يرهب الحياة شقيّ سخِرت من مصيره الأجداث

كان جيت شخصيّة تاريخيّة راني طارق بن زياد (نحبّ نعرف كان في بلاصتو نقول لبحر وراكم و العدو قدّامكم ولاّ لا و بأيّ لغة ننطقها).
كان جيت شخصية خرافية نكون الجازية الهلاليّة.
كان جيت وادي أو نهرا نكون واد دخاّن .
و إذا كنت شخصية قصصية نكون غيلان المسعدي.
أما كان كنت حيوانا راني فكرون .
و إن كنت حليا نكون واسطة شيشخان متاع عقد جوهر.
و إذا كنت لباسا نكون سروال عربي.
و كان كنت شذى أو رائحة ريحة الكلتوس على البحر في الصّيف.
لو كنت موقعا راني أيّ بلاصة على البحر ما فيهاش ناس.


أخيرا وعلا خاطرني ناس ملاح بالحقّ ( ومانيش أمّي تراكي) مانيش موش نورّط حتّى حدّ، زيد على هذا يظهرلي النّاس الكُلّ لعبت .